गर्भसंस्कार
(क्रमशः)
गर्भावस्थेची माहिती होणे
"मी गर्भवती आहे की नाही, याची पक्की माहिती मला कशी कळेल ?"
सर्वात आधी आपल्या मनाचा आवाज ऐका. त्यामुळे तुम्हाला थोडा फार अंदाज लागू शकतो. तसं तर खरी किंवा ठाम माहिती मिळविण्यासाठी वैद्यकीय उपाचर पद्धती आहेच. सध्या अनेक प्रकारच्या चाचण्या करून तुम्ही गरोदर आहात की नाहीत याची माहिती मिळविता येते.
होम प्रेगनन्सी टेस्ट :-
ही टेस्ट तुम्ही तुमच्या बाथरूममध्ये अतिशय गुप्त पद्धतीने करू शकता. ही टेस्ट खूप लवकर होते. काही तरी असे नक्कीच असते ज्यामुळे तुम्ही पाळी चुकण्याच्या आधीच अंदाज करू शकता. (खरं तर जास्त चांगले निकाल पाळी चुकल्यानंतरच लागू शकतात. )
या टेस्टमध्ये लघवीतील एच. सी. जी. हार्मोन्सची तपासणी होते, ज्यामुळे प्लासेंटा तयार होत असतो. हे तुमच्या रक्तात मिसळायला उशीर करीत नाही. लघवीत याचा अंश आढळताच तुम्हाला पॉझिटिव्ह निकाल मिळतो. हे संवेदनशील असतात, पण इतके जास्त नाही. गर्भधारणेच्या एका आठवड्यानंतर तुमच्या रक्तात एच. सी. जी. चा अंश तर असतो, पण टेस्टमध्ये त्याची तपासणी होऊ शकत नाही. जर तुम्ही पाळी येण्याच्या सात दिवस आधी तपासणी केली तरी सुद्धा गर्भधारणा होऊन सुद्धा निगेटिव्ह निकाल येण्याची शक्यता असते.
पाळी येण्याच्या चार दिवस आधी टेस्ट केली तर ६० टक्के योग्य निकाल मिळण्याची शक्यता असते. पाळीच्या दिवशी तपासणी केली तर ९० टक्के योग्य निकाल कळतो आणि एक आठवड्यानंतर त्याची टक्केवारी ९७ टक्के योग्य असते. काळ जसा जसा जात जाईल तसे तसे निकाल अधिक स्पष्ट होत जातात. कारण या टेस्टच्या मदतीने तुमच्या गर्भावस्थेची तुम्हाला आधीच माहिती कळते. त्यामुळे आधीपासूनच तुम्ही डॉक्टर किंवा दाईचा सल्ला घेऊन स्वतःची देखभाल करायला सुरूवात करू शकता. अर्थात यानंतर वैद्यकीय चाचणी आहे. संपूर्ण तपासणी आणि रक्ताची तपासणी यावरून सर्व काही खात्रीशीररित्या स्पष्ट होते.
रक्ताची तपासणी :-
गर्भधारणेला एक आठवडा उलटल्यानंतर जर रक्ताची तपासणी केली तर त्यावरून तुम्ही गर्भवती आहात की नाहीत याची पाहून १०० टक्के माहिती मिळते. यामध्ये रक्तातील एच. सी. जी. चे योग्य प्रमाण आणि पातळी गर्भधारणेची तारीखही सांगता येते. कारण जसा जसा गर्भावस्थेचा काळ वाढत जातो तसे रक्तातील एच. सी. जी. चे प्रमाणही वाढत जाते. अनेक डॉक्टर्स रक्ताच्या बरोबरीने लघवीचीही तपासणी करायला सांगतात.
वैद्यकीय तपासणी :-
अर्थात रक्त आणि लघवीच्या तपासणीवरून गर्भावस्थेची योग्य माहिती मिळविता येते, पण गर्भाशयाचा आकार, योनी आणि सर्व्हिक्सचे रंग आणि सर्व्हिक्सच्या निर्मितीतील फरक यावरूनही गर्भावस्थेची वैद्यकीय तपासणी केली जाऊ शकते.
डॉ. भूषण काळे डॉ .स्मिता काळे
एम एस (प्रसूती व स्त्री रोग ) एम डी (पंचकर्म ) केरळ
आयुभूषण आयुर्वेदिक वंध्यत्व निवारण आणि केरळीय पंचकर्म चिकित्सालय
(वंध्यत्व, स्त्रीरोग, गर्भसंस्कार, सुवर्णप्राशन, केरळीय पंचकर्म)
